چینی طالبہ کی اپنی آخری رسومات میں شرکت

بیجنگ (مانیٹرنگ ڈیسک) اپنی آخری رسومات میں شریک ہونا ایک جیتے جاگتے انسان کیلئے ممکن نہیں ہوسکتا، اسی بات کو مدنظر رکھتے ہوئے ایک 22 سالہ چینی طالبہ ژینگ جیانے اپنی آخری رسومات پوری کرکے اپنا شوق پورا کرلیا۔ یہ منفرد واقعہ چین کے شہر وہان میں پیش آیا۔ اس ریہرسل میں ژینگ کے دوستوں اور اہلخانہ نے شرکت کی جنہوں نے اپنے چہروں پر سوگواری کے تاثرات سجاکر اس کی میت پر پھولوں کے ڈھیر لگائے۔ ژینگ نے ایک گھنٹے تک تابوت میں لیٹ کر آخری رسومات کی ریہرسل کی۔ ژینگ نے حقیقی لاش کا روپ دھاڑنے کیلئے ایک میک اپ آرٹسٹ کی مدد بھی حاصل کی تاکہ اس کے بہروپ میں کوئی کمی نہ رہ جائے۔ ایک شخص فوجی وردی پہن کر مسلسل اسکی میت کے سرہانے کھڑا رہا۔