حضرت عیسیٰؑ کا پیالہ سپین کے عجائب گھر میں ہونے کا دعویٰ

میڈرڈ (نمائندہ خصوصی) سپین کے عجائب گھر میں ایک ایسا پیالہ رکھا گیا ہے جس کے بارے میں دعویٰ کیا جارہا ہے کہ یہ حضرت عیسیٰؑ کا پیالہ ہے اور انہوں نے آخری وقت اس سے پانی پیا۔ دو تاریخ دانوں کا دعویٰ ہے کہ حضرت عیسیٰؑ کے لبوں نے اس پیالہ کو چھوا۔ دو سائنس دانوں مارگا ٹریٹا ٹورس اور جوز اورٹیزا کا کہنا ہے کہ انہوں نے مصری تہذیب اور دیگر پرانی تہذیبوں سے شواہد اکٹھے کئے ہیں اور یہ بات سامنے آئی ہے کہ یہ تاریخی پیالہ کبھی حضرت عیسیٰؑ کے پاس تھا۔ قرون وسطیٰ میں لکھے گئے عربی تحریر کے مطابق یہ پیالہ یروشلم میں مسلمانوں کے پاس تھا اور وہاں سے مصر میں عیسائیوں کو ملا اور وہاں سے یہ سپین کے بادشاہ کو تحفہ میں ملا اور اس طرح یہ سپین میں آگیا۔