گاہک نے سگریٹ نہ دینے پر دکاندار کوقتل کردیا

اریاض (بیورو رپورٹ) سعودی عرب کے شہر ریاض میں مبینہ طور پر ایک سعودی باشندے نے بھارتی شہری سعد علوی محمد کو چھریوں کے وار کر کر کے ہلاک کردیا۔ رپورٹس کے مطابق 34 سالہ کیرالا کا رہائشی ایک سٹور پر ملازم تھا، حملہ آور نے اس سے مفت سگریٹ لینے کی کوشش کی، انکار پر وہ سٹور سے چلا گیا لیکن پھر تھوڑی دیر بعد ہی چھری سمیت واپس آیا اور سٹور ملازم پر وار شروع کردئیے۔ اس نے بھاگنے کی کوشش کی تو پیچھا کرکے سٹور کے سامنے لٹایا اور چھری مار مار کر ہلاک کردیا۔ اطلاعات کے مطابق اس شخص نے چند روز قبل ایک عمر رسیدہ شخص پر مسجد کے باہر حملہ کردیا تھا کیونکہ اس نے اس سے صاف کپڑے پہننے کو کہا تھا۔ مقتول تین سال سے ریاض میں مقیم تھا اور پسماندگان میں بیوی، ایک بیٹی اور بیٹا شامل ہیں۔