لاہور میں ڈکیتی پولیس مقابلہ

لاہور میں ڈکیتی اورسنگین وارداتوں میں مطلوب دوملزمان مبینہ پولیس
مقابلے میں ہلاک ہوگئے۔۔پولیس کےمطابق ملزمان کے تین ساتھی فرار
ہونے میں کامیاب ہوگئے ہیں.
پولیس کے مطابق لاہور کے علاقے گرین ٹاوٴن میں ڈکیتی کی اطلاع
پرسی آئی اے ماڈل ٹائون کے اہلکاروں نے چھاپہ ماراتو ملزمان نے پولیس
پارٹی پر فائرنگ کردی،جوابی فائرنگ میں دو ڈاکو موقع پرہلاک جبکہ ان
کے تین ساتھی رات کی تاریکی کا فائدہ اٹھاکر فرارہونے میں کامیاب ہوگئے،
ہلاک ہونے والے ڈاکوؤٴں کی شناخت شاہ نوازاوربابرکے نام سے ہوئی ہے۔
ملزمان پولیس کو ڈکیتی اور خواتین سے زیادتی کی سنگین واداتوں میں ایک
عرصے سے مطلوب تھے۔دوسری جانب ذرائع نے دعوی کیا ہے کہ گینگ
کے پانچ ارکان کو پولیس پہلے ہی گرفتارکیا تھا جن میں دو کو رات گئے
مبینہ پولیس مقابلے میں ہلاک کردیا گیا ،واضح رہے کہ پولیس کا گزشتہ چار
روزکے دوران یہ دوسرا مبینہ مقابلہ ہے جس میں چھ ملزمان کو ہلاک
کردیا گیا ہے۔۔ پولیس نے دونوں ڈاکوؤں کی لاشیں قبضے میں لے کر
پوسٹمارٹم کے لیے ڈیڈ ہائوس منتقل کردی ہیں ۔

(Waqt News)