عزت بچانے کیلئے لڑکی نے ٹرین کے سامنے کود کر جان دیدی

جھنگ (مانیٹرنگ ڈیسک) حوا کی بیٹی ایک درندہ صفت زمیندار کی بھینٹ چڑھ گئی،لڑکی نے عزت اور لواحقین کو بچانے کی خاطر ٹرین کے سامنے کود کر خودکشی کرلی۔ لواحقین کے مطابق ریلوے سٹیشن سٹی جھنگ کے قریب بھٹہ خشت پر کام کرنے والی 25 سالہ دوشیزہ ’ز ب‘ بازار سے سامان لینے گئی تو وہاں شراب کے نشے میں دھت مقامی زمیندار مٹھونول نے اسے پکڑ لیا اور زیادتی کی کوشش کی لیکن وہ بھاگ کر گھر پہنچ گئی جس پر اگلے روز مٹھونول اس کے گھر پہنچ گیا اور اغوا کی کوشش کی جس پر زاہدہ بی بی نے اپنی عزت اور لواحقین کی جان بچانے کے لئے جھنگ سے سرگودھا جانے والی ٹرین کے سامنے کود کر خودکشی کرلی۔ پولیس نے کارروائی شروع کردی۔