بھارتی اداکاررضا مراد کی اہلیہ کے ہمراہ مزار قائد پر حاضری

رضا مراد دن بھر سمند ر اور تفریحی مقامات کی سیر کر تے رہے ،شاپنگ بھی کی کراچی میں جو محبت ملی اس کا تصور نہیں کیا تھا:بالی ووڈ اداکارکی میڈیا سے گفتگو کراچی(سٹاف رپورٹر) بھارتی اداکار رضا مراد نے کراچی میں مصروف ترین دن گزارا ، دن بھر ساحل سمندر و تاریخی مقامات کی سیر کی ، مختلف شاپنگ سنٹرزمیں جاکر اہلیہ کے ساتھ شاپنگ کی اور اپنے عزیز و اقارب سے ملاقاتیں کیں ۔بانی پاکستان قائد اعظم ؒکے مزار پر حاضری دینے پہنچے تولوگوں نے ان کو گھیر لیا ۔ اس مو قع پر انہوں نے مداحوں کیساتھ تصویر یں بنوائیں ۔میڈیا سے گفتگو کر تے ہو ئے انہوں نے کہا کہ کراچی میں جو محبت ملی ہے اس کا تصور نہیں کیا تھا۔ پاکستانی جس طر ح ہم سے محبت کرتے ہیں اس کے لئے ضروری ہے کہ پاکستان و بھارت کے درمیان ثقافتی تعلقات کو مستحکم کیاجائے ۔ایک سوال کے جواب میں ان کا کہنا تھاکہ اچھی و معیاری پاکستانی فلموں میں کام کرنیکی آفر ہوئی تو ضرور کام کروں گا۔