یاہو ویب سائیٹس میں سب سے پہلے نمبر پرآگئی

ایک تازہ ترین رپورٹ میں یہ بات سامنے آئی ہے کہ یاہو
امریکہ میں تمام سائیٹس سے آگے نکل چکی ہے
یاہو کی شرحِ آمدنی پچھلے کچھ مہینوں سے کچھ خاص نہیں رہی ہے
مگر اس کے ویب ٹریفک میں نمایا ں فرق نظر آیا ہے۔ایک تجزیاتی
فرمکوم سکور ‘‘کی طرف سے سامنے آنے والے نئے ڈیٹا کے
مطابق دسمبر میں یاہو کے پاس ڈیسک ٹاپ کمپیوٹر کے 195
ملین افراد صارفین آئے، جس کی وجہ سے یہ سائٹ گوگل،
مائیکروسافٹ اور فیس بک کے مقابلے میں سب سے زیادہ
ٹریفک والی سائٹ بن گئی ہے۔
کوم سکور نے پیر کو زیادہ ٹریفک والی پہلی 50 سائیٹس کی
لسٹ ریلیز کی،جو ظاہر کرتی ہے کہ سرچ انجن ، نئی سائیٹس
اور سوشل میڈیا کی وجہ سے وزیٹرز کی بھاری تعداد
انٹرنیٹ پر نظر آتی ہے۔امریکہ میں ڈیسک ٹاپ صارفین
کی تعداد 224 ملین ہے، کوم سکور کی اس لسٹ میں موبائل
ٹریفک شامل نہیں ہے۔یاہو کے بعد گوگل 192 ملین منفرد
صارفین کے ساتھ دوسرے نمبر پر اور مائیکروسافٹ
175 ملین منفرد وزیٹرز کے ساتھ تیسرے نمبر پر آئی ہے۔
اب تک گوگل نمبر 1 پر تھا مگر یاہو نے جولائی 2013
میں گوگل کو اس کے اقتدار سے علیحدہ کرتے ہوئے
مضبوطی سے یہ جگہ سنبھالی ہوئی ہے۔
سوشل میڈیا کی سائیٹس میں فیس بک سب سے اوپر ہے
جو کہ لسٹ میں 140 ملین منفرد وزیٹرز کے ساتھ چوتھے
نمبر پر ہے جبکہ ای کامرس سائیٹس میں ایمازون اپنے
116 ملین منفرد وزیٹرز کے ساتھ لسٹ میں چھٹی پوزیشن
سنبھالے ہوئے سب سے آگے ہے۔