انٹرنیٹ اب گاڑیوں میں بھی استعمال ہو گا

برلن (مانیٹرنگ ڈیسک) کمپیوٹر اور موبائل میں انٹرنیٹ کی سہولت کے بعد اب گاڑیوں میں بھی یہ سہولت میسر ہونے
جا رہی ہے۔ جرمنی کی مشہور کار ساز کمپنی ’آڈی‘ اور موبائل کیرئیر کمپنی ’اے ٹی اینڈ ٹی‘ کے درمیان ایک معاہدہ
طے پا گیا ہے جس کے تحت 2015ءمیں ایک گاڑی انٹرنیٹ کی سہولت کے ساتھ فروخت کیلئے پیش کی جائے گی۔
ابتدائی طور پر گاڑی خریدنے والے صارف کو 6 ماہ کیلئے فری سروس فراہم کی جائے گی جس کے بعد وہ مستقل
طور پر اس سروس کو اپنانے سے متعلق فیصلہ کر سکے گا۔ کمپنی نے اس سروس کیلئے 2 بنیادی پیکیجز متعارف
کرائے ہیں جس کے تحت 6 ماہ کیلئے 5 جی بی جبکہ دوسرا پیکیج 30 جی بی ڈیٹا یوزیج پر مشتمل ہو گا اور اس کی
معیاد 30 مہینے ہو گی۔