پیٹھاکدوبرطانیہ سمگل کرنیوالا ملزم گرفتار

برمنگھم (مانیٹرنگ ڈیسک) برمنگھم ایئرپورٹ پر اس وقت بے حد دلچسپ صورتحال پیدا ہوگئی جب کسٹمز حکام نے ”سمگلرز“ کو برطانیہ میں پیٹھا کدو سمگل کرتے ہوئے پکڑ لیا۔ مسافروں کے سامان سے برآمد ہونے والے کدو کا وزن 20 کلو سے بھی زیادہ تھا۔ اس ”کدو“ کو قبضے میں لے کر کسٹمز حکام نے فوڈسیفٹی ٹیم کے حوالے کردیا۔ معلوم ہوا ہے کہ یہ مسافر بنگلہ دیش سے برطانیہ کا سفر کررہے تھے۔ سبزی کے علاوہ ان کے سامان میں 79 کلو گرام مچھلی، 94000 سیگریٹ اور 907 کلوگرام پان کے پتے بھی شامل تھے۔ برطانوی ایئرپورٹ حکام سمگلنگ کے اس انوکھے منصوبے پر اب تک حیرت میں مبتلا ہیں اور ان اشیاءکو ٹیسٹ کرنے کے لئے لیبارٹری پہنچا دیا گیا ہے۔