بغیر اجازت تصویر اتارنے سے جان بھی جا سکتی ہے

فلوریڈا (مانیٹرنگ ڈیسک ) خبردار ! بغیر اجازت تصویر اتارنے سے جان بھی جا سکتی ہے۔ آج کل کے دور میں جب ہر موبائل میں کیمرہ موجود ہے بلکہ کیمرے والی عینکیں (گوگل گلاس) بھی مارکیٹ میں آ چکی ہیں ، امریکی ریاست فلوریڈا میں ایک شخص کو بغیر اجازت تصویر کھینچنے پر جان سے مار دیا گیا۔ تفصیلات کے مطابق امریکی ریسٹورنٹ کے مالک دمیتریوس کو ایک بیرے تیلوس لیبرون نے چھری کے وار کر کے ہلاک کر دیا۔ پولیس موقع پر پہنچی تو ملزم الہ قتل ہاتھ میں پکڑے ریسٹورنٹ کے باہر کھڑا تھا، اس کاکہنا تھا کہ ریسٹورنٹ کے مالک نے اجازت کے بغیر اس کی تصویر اتاری اور اسے انٹرنیٹ پر چڑھا دیا جس پر اسے اشتعال آگیا ، پولیس نے ملزم کو موقع سے گرفتار کر لیا.