لوگوں کی ذاتی معلومات چرانے والا ڈرون تیا ر

نیویارک (مانیٹرنگ ڈیسک ) یوں تو ڈرون طیاروں کا نام سنتے ہی ذہن میں تباہ کاریوں کے مناظر آتے ہیں لیکن اب تو اس کے ذریعے چوریاں بھی کی جاسکتی ہیں ۔امریکی ہیکرز نے اب ایک ایسا ڈرون تیا ر کیا ہے جو لوگوں کے بینک پاس ورڈ اور دیگر تفصیلات فراہم کرے گا ۔گو کہ یہ اس صدی میں ایجاد ہونے والا سب سے بڑا جرم تصور کیا جائے گا لیکن ہیکرز کا موقف ہے کہ یہ صرف ایک تجربہ تھا تاکہ دنیا کو یہ یقین دلایا جاسکے کہ ایسا بھی ممکن ہے ۔سمارٹ فون کے ذریعے وائی فائی سے منسلک ہوکر یہ ڈرون ایک گھنٹے میں 150موبائل فونز سے کریڈٹ کارڈ پاس ورڈز ،کمپیوٹر پاس ورڈ اور دیگر اہم معلومات چوری کر سکتاہے جو دنیا کو خبر دار کرنے کے لیے کافی ہے ۔