وٹس ایپ کے ذریعے اب آپ وائس کالز بھی کر سکیں گے

وٹس ایپ بھی وائبر اور سکائیپ کے مقابلے پر آکھڑا ہوا، بہت جلد وائس
کالز کرنے کی سہولت بھی دی جائے گی
وٹس ایپ کے صارفین یقیناً یہ جان کر بہت خوش ہونگے کہ ان کے پسندیدہ
میسنجر وٹس ایپ میں بھی جلد ہی بات کرنے کی سہولت متعارف کروائی
جائے گی۔فیس بک کے زیرِ اثر آنے کے وٹس ایپ کے نئے سی ای
او جین کوم نے بارسلونا میں ایم ڈبلیو سی میں اس بات کو کنفرم کیا ہے۔
سب سے پہلے اینڈرائیڈ اور آئی فون آپریٹنگ سسٹم استعمال کرنے
والے صارف اس سہولت سے مستفید ہونگے جبکہ ونڈوز فون اور بلیک
بیری میں یہ سہولت کچھ وقت کے بعد متعارف کروائی جائے گی۔تاہم
ابھی تک یہ بات سامنے نہیں آئی ہے کہ وٹس ایپ پر بات کرنے کی
سہولت بالکل مفت ہوگی جیسے وائبر پر ہے یا اس کے لیے کچھ
ماہانہ ادائیگی کرنا ہوگی۔
پچھلے کچھ دنوں سے وٹس ایپ کے سرورز کچھ مسائل کا شکار
رہے ہیں مگر اب سب کچھ ٹھیک ہو گیا ہے۔تاہم وٹس ایپ کے بہت سے
صارفین نے اس کو خیرباد کہہ کر حریف میسنجر ٹیلیگرام
کا رخ کر لیا ہے۔