سوویت بمبار جہاز برائے فروخت

لاہور(مانیٹرنگ ڈیسک)کیا آپ سوویت بمبار جہاز خریدنا چاہتے ہیں؟ اگر ہاں، تو آپ کے لئے خوشخبری ہے کہ اب آپ ای بے (ebay) پر اسے خرید کرسکتے ہیں۔ سویت بمبار جہاز ٹی یو 95 ایم ایس ای بے پر صرف 30 لاکھ ڈالر میں بیچا جارہا ہے۔ اس جہاز کو صرف 454 گھنٹے اڑایا گیا ہے اور اس میں مزید 5000 گھنٹے پرواز کرنے کی صلاحیت موجود ہے۔ معمولی ٹیکنیکل سروس کے بعد یہ طیارہ پرواز کرنے کے قابل ہوجائے گا۔ اب تک ایک شخص کی جانب سے اس جہاز کے لئے بولی لگائی گئی ہے۔ تاہم ابھی بولی ختم ہونے میں دو دن باقی ہیں۔