پشاورخیبرایجنسی بارڈر پر خود کش حملہ ، کم از کم سات افراد جاں بحق،25سے زائد زخمی

پشاور(مانیٹرنگ ڈیسک)خیبرایجنسی کے بارڈرپر سربندکے علاقے بھٹہ تل بازارمیں خودکش حملے سے کم از کم سات افراد جاں بحق اور 25سے زائد زخمی ہوگئے جنہیں ہسپتال منتقل کردیاگیا۔ایس پی سٹی نے بتایاکہ زخمیوں میں پولیس اہلکار،خواتین اور بچے بھی شامل ہیں ، علاقے میں خطرات موجود تھے اوراِسی لیے پولیس اہلکار بکتر بندگاڑی میں گشت کررہے تھے ۔ایک سوال کے جواب میں اُنہوںنے بتایاکہ حملہ آوروں کا ٹارگٹ پولیس افسر بخاری شاہ تھا۔ ریسکیو ذرائع کے مطابق دور دراز علاقہ ہونے کی وجہ سے ہلاکتوں میں اضافے کابھی خدشہ ظاہر کیاجارہاہے۔ بتایاگیاہے کہ دھماکے سے سبزی فروشوں کی ریڑھیوں کو بھی نقصان پہنچا ۔دھماکے کے بعد سیکیورٹی فورسز نے علاقے کو گھیرے میں لے لیا اور شواہد اکٹھے کرلیے ۔