پانچ ٹانگوں والی گائے نے بھارت میں ہندوؤں کو رام کردیا

نئی دہلی(مانیٹرنگ ڈیسک) لکشمن بھوسالے نامی بھارتی شخص ایک پانچ ٹانگوں والی گائے کا مالک ہے۔دلچسپ بات یہ ہے کہ لکشمن اور اس جیسے بہت سے لوگوں کے لئے یہ گائے ’بھگوان‘ کا روپ ختیار کر گئی ہے۔اس کا کہنا ہے کہ پانچویں ٹانگ کو ہاتھ لگانے سے تمام خواہشات پوری ہو سکتی ہیں۔اس کی پانچویں ٹانگ اس کی گردن اور کندھے کے درمایں جگہ سے نکلی ہے۔ آج کل یہ گائے بھارت کے دورے پر نکلی ہے۔ اور لوگوں کی توجہ کا مرکز بنی ہوئی ہے۔اس کی عمر چار سال ہے اور لکشمن کا کہنا ہے کہ وہ اسے مختلف شہروں میں لے کر جائے گا تاکہ زیادہ سے زیادہ لوگ اس کی برکات سے متغیر ہو سکیں۔گائے کو ایسا درجہ ملنا کیسی عجیب بات ہے؟ اگر یہ سرحد کے ذرا اس پار پیدا ہو جاتی تو کسی برگر کا پیٹی یا پلاؤ کی بوٹی بن چکی ہوتی۔