فاسٹ فوڈ کھانے سے بھی وزن کم ؟؟؟

ّّّفاسٹ فوڈ کو عموماً صحت کے لئے انتہائی نقصان دہ اور موٹاپے کا باعث قرار دیا جاتا ہے لیکن ایک امریکی شخص ایسا بھی ہے جس نے صرف میکڈونلڈز کھا کھا کر اپنا وزن56 پاﺅنڈ گھٹا لیا ہے۔ جان سنا نامی آدمی نے گزشتہ چھ ماہ سے انوکھی قسم کی ڈائٹ اپنا رکھی ہے جسے وہ ”میکڈونلڈ ڈائٹ“ کا نام دیتا ہے۔ چھ ماہ میں نہ صرف اس کا وزن کم ہوا ہے بلکہ کولیسٹرول بھی نیچے آیا ہے اور چھاتی میں بھی 21 انچ کمی ہوچکی ہے تاہم اس کا کہنا ہے کہ وہ دن میں دو ہزار کیلوریز سے زیادہ نہیں کھاتا اور روزانہ 45 منٹ پیدل بھی چلتا ہے۔ جان سنا کے مطابق کھانے کی قسم سے زیادہ اہم کھانے کی مقدار ہے، اگر لوگ کھانے کی مقدار پر قابو کرلیں تو وزن باآسانی کم کیا جاسکتا ہے۔