جسے اللہ رکھے ،اسے کون چکھے

لاس اینجلس (مانیٹرنگ ڈیسک) کہتے ہیں جسے اللہ رکھے اسے کون چکھے، اس بات کا عملی مظاہرہ اس وقت دیکھنے کو ملا جب امریکی شہر لاس اینجلس میں ٹرین کی آمد سے چند لمحے قبل پٹڑی پر گرنے والا نابینا شخص معجزاتی طور پر زندہ بچ گیا اور اس کے جسم پر خراش تک نہ آئی۔ ڈرائیور نے اس شخص کو پٹڑی پر گرتے دیکھ کر بریک لگائی لیکن جب تک ٹرین رکی دوسری بوگی اس شخص کے اوپر سے گزر چکی تھی۔ تفصیلات کے مطابق اس نابینا شخص کی خوش قسمتی تھی کہ وہ ریل کی پٹری کے عین درمیان میں خالی جگہ پر جاکر گرا اور اس طرح اوپر سے ٹرین گزرنے کے باوجود وہ محفوظ رہا۔ لاس اینجلس حکام کا کہنا ہے کہ گرنے والے نابینا آدمی کو کوئی سنجیدہ چوٹ نہیں لگی اور یہ تاریخ میں اس طرز کا پہلا واقعہ ہے۔