انسان اور جانورایک دوسرے کی زبان بولیں گے

لاہور (مانیٹرنگ ڈیسک)اب جانور بھی عام انسانوں کی طرح’ باتیں ‘ کرنا شروع کر دیں گے۔ اس مقصد کیلئے آلات تیار کئے جا رہے ہیں جبکہ کتے کو
انسانی زبان ’استعمال ‘ کرنے کی سہولت فراہم کرنے والا آلہ تیار کر لیا گیا ہے۔ NO More) (Woof نامی یہ آلہ یورپ کی نارڈک سوسائٹی برائے ترقی و
ایجادات(NSID) کی لیب میں تیار کیا گیا ہے جس میں مائیکرو کمپیوٹنگ کی جدید ٹیکنالوجی استعمال کی گئی ہے۔ یہ آلہ دماغ کی لہروں کے ذریعے
جانوروں کی سوچ کو پڑھنے کے بعد اسے ایک سپیکر پر انسانی آواز میں بیان کر دیتا ہے۔ کمپنی کا کہنا ہے کہ یہ آلہ ابھی ابتدائی مراحل میں ہے اس لئے
ابھی صرف پالتو کتوں کیلئے قابل استعمال ہے تاہم اسے مزید کارآمد بنانے اور دوسرے جانوروں کیلئے استعمال کرنے سے پہلے مزید ریسرچ ہورہی ہے۔ یہ
کمپنی ایک ایسا آلہ بنانے کا ارادہ بھی رکھتی ہے جس سے انسان بھی جانوروں سے ان کی زبان میں باتیں کر سکیں گے۔