ہواوئے دو آپریٹنگ سسٹم والا سمارٹ فون متعارف کروائے گا

ہواوئے اگلے چوتھائی تک امریکہ میں دو آپریٹنگ سسٹم اینڈرائیڈ اور ونڈوز فون والا سمارٹ
فون متعارف کروائے گا
ہواوئے کے چیف مارکیٹنگ آفیسر شاو یانگ کے مطابق ہم دو آپریٹنگ سسٹم اینڈرائیڈ اور ونڈوز
فون کو ایک ہی سمارٹ فون میں اکٹھے متعارف کروا کے صارف کو نئی چوائس دے
رہے ہیں۔مسٹر یانگ نے یہ بات بھی واضح کر دی ہے کہ ہواوئے ونڈوز فون کو ہی سپورٹ
کرے گا، لیکن صرف ونڈوز ہونے کی وجہ سے صارف فون خریدنے کے فیصلے کو لے کر
تھوڑا مشکل کا شکار ہوگا جبکہ دو آپریٹنگ سسٹم ہونے کی صورت میں صارف اپنی مرضی
کے مطابق آپریٹنگ سسٹم چن سکتا ہے۔
اینڈرائیڈ ڈیولپرز اس تصور کے خلاف ہیں ان کا کہنا ہے کہ یہ کسی طور بھی ٹھیک نہیں کہ
گوگل کا حریف مائیکروسافٹ اپنے ونڈوز فون کی فروخت کے لیے اینڈرئیڈ کا
فائدہ اٹھائے۔البتہ مسٹر یانگ نے یہ بات کنفرم کر دی ہے کہ وہ دوسرے چوتھائی میں
امریکہ میں دو آپریٹنگ سسٹم پر مشتمل ہینڈ سیٹ فروخت کے لیے پیش کر دیں گے۔
انہوں نے یہ بھی ظاہر کیا ہے کہ اس دوران ہم مختلف پلیٹ فورمز کو بھی دھیان میں
رکھیں گے اور سبھی آپریٹنگ سسٹم کا معائنہ کریں گے۔
انہوں نے یہ بھی کہا کہ ہواوئے نے ابھی تک سامسنگ کے آپریٹنگ سسٹم ٹائزن کے متعلق
کچھ نہیں سوچا ٹائزن کا سمارٹ فونز میں شامل ہونا ایک سوالیہ نشان ہے کیونکہ سامسنگ
اسے اپنے سمارٹ ٹی وی اور سمارٹ واچ میں استعمال کرنے کا ارادہ رکھتا ہے۔