ہوا میں اڑنے اور معلق رہنے والی ’ڈرون‘ گیندبھی آگئی

ٹوکیو (مانیٹرنگ ڈیسک) جاپانی ماہرین نے ایسی اڑن گیند تیار کرلی ہے جو ہوا میں معلق بھی رہ سکتی ہے۔ اس گیند میں یہ خاصیت ایک ننھے ڈرون سے پیدا ہوئی ہے۔ ٹوکیو یونیورسٹی سے تعلق رکھنے والے جون رکیموٹو اور ان کی ٹیم نے اس پلاسٹ کی گیند کو ہوا میں اڑنے اور معلق ہونے کی صلاحیت ایک 90ملی میٹر چوڑے ڈرون کی مدد سے دی ہے۔ جون کے مطابق تمام کھیلوں میں گیند بہت مقبول ہے اور اس سے کھیلنا ہر ایک کیلئے لطف کا سبب بنتا ہے۔ ہمیں لگتا تھا کہ گیند سے متعلق کھیل محدود ہے کیونکہ گیند کی رسائی زیادہ نہیں ہوتی مگر اس نئی بال کی مدد سے کھیلوں کو ایک نئی جہت دی جاسکے گی۔